BENVIDOS Á PÁXINA WEB DE APROPIGA

Dende a Asociación Profesional do Persoal Laboral do Servizo Público de Defensa Contra Incendios Forestais da Xunta de Galicia, queremos darvos a benvida á nosa páxina web.

Apropiga é unha asociación profesional que engloba a todas as categorías profesionais do persoal laboral do SPDCIF. Naceu no ano 2004 co obxectivo de promocionar e defender os intereses profesionais dos seus traballadores; promover a solidariedade, comunicación e relación entre eles; velar polo prestixio dos membros asociados, e pola maior eficacia da súa función; colaborar coa administración para determinar as condicións máis axeitadas para a prestación dos seus servizos e participar na elaboración das disposicións que os afecten; velar e participar nas actividades que tendan á mellora da formación profesional do colectivo; alentar o espírito de servizo á sociedade inherente ó desempeño das nosas funcións.

Esta páxina é unha porta aberta para todos os que amades o medio natural; pretende ser un lugar de encontro para o debate e o intercambio de información entre os profesionais dedicados á prevención e á loita contra os incendios forestais; quere estar na vangarda das reivindicacións laborais dos bombeiros forestais de Galicia, reclamando ó recoñecemento profesional que merecemos; quere ser unha ventá á que se poidan asomar os/as cidadáns/as de Galicia e do mundo para que coñezan de primeira man quen somos.